وەزیری ژینگەی عێراق رایدەگەیەنێت، ئەنجومەنی وەزیرانی عێراق بڕیاریدا بە ناردنی مووچەی فەرمانبەرانی هەرێم تاوەكو كۆتایی ئەمساڵ بەو مەرجە هەرێم تێبینییەكانی بەغداد چارەسەربكات.
نزار ئامێدی، وەزیری ژینگەی عێراق رایدەگەیەنێت، ئەنجومەنی وەزیرانی عێراق بڕیاریدا بە ناردنی مووچەی فەرمانبەرانی هەرێم تاوەكو كۆتایی ئەمساڵ و لە كۆبوونەوەكانی دوو رۆژی رابردوو لە هەولێر لێكتێگەیشتن لە نێوان هەرێم و بەغداد هەبووە و هەر بۆیە بڕیاردرا كە ناردنی پارەی تەرخانكراو بۆ مووچەی مووچەخۆرانی هەرێم تاوەكو كۆتایی ئەمساڵ بەردەوام بێت و بەو مەرجە هەرێم تێبینییەكان چارەسەربكات.
وتیشی، “بەغداد چەند تێبینییەكی هەبووە لەسەر ناوی مووچەخۆران و پلەی وەزیفی و هەرێمی كوردستانیش بەڵێنیداوە سەرجەم تێبینییەكان چارەسەربكات بەو پێیەش كێشەی مووچەی مووچەخۆران تا كۆتایی ئەمساڵ چارەسەربووە”.
