بەڕێوبەرایەتیی ئۆپراسیۆنەکانی دەزگای ئاسایشی هەرێم بە هاوبەشی هێزەکانی کۆماندۆ، ئۆپراسیۆنێکی کێوماڵکردنیان لە رۆژهەڵاتی کەرکوک ئەنجام دا.
دەزگای ئاسایشی هەرێم بڵاویکردووەتەوە، “بەرێوەبەرایەتی ئۆپراسیۆنەکانی دەزگای ئاسایشی ھەرێم و فەوجی چواری هێزەکانی کۆماندۆ، ئۆپراسیۆنێکی فراوانیان لە بەرەی رۆژهەڵاتی کەرکوک ئەنجامدا کە مەبەست لێی کێوماڵکردنی ناوچەکە و گەڕاندنەوەی ئارامی زیاتر و لەناوبردنی حەشارگە و پاشماوەکانی تیرۆرستان بوو.
ئاماژەی بەوەشکردووە، “ئۆپراسیۆنەکە لەکاتژمێر 3:30 خولەکی بەرەبەیانی ئەمڕۆ لە سێ قۆڵەوە لەناوچەکانی( کوڵەکان و چەمی رۆخانە و نزیک لەپردی عوسمانلی )ئەنجامدرا”
ئاشکراشیکردووە، “لە پێناو گەڕاندنەوەی ئارامی و لەناوبردنی حەشارگە و پاشماوەکانی تیرۆرستان، ئەم کێوماڵە فراوانەی هێزەکانی ئۆپراسیۆن لەو بۆشاییە ئەمنیەی کە دەکەوێتە نێوان هێزەکانی پێشمەرگە و هێزە عێراقییەکان بەردەوامی دەبێت”.
