لە بەغداد بۆمبێک تەقییەوە و بەهۆیەوە کەسێک کوژرا و سێ کەسی دیکە برینداربوون.
میدیا عێراقییەکان بڵاویانکردەوە، لە نزیک بازگەیەک لە ناوچەی سەلامیاتی رۆژئاوای بەغداد، کاتژمێر 11:30 ی خولەکی شەوی رابردوو، بۆمبێک تەقییەوە.
بەپێی زانیاریی میدیا عێراقییەکان، بۆمبەکە لەنێو ماتۆڕسکیلێکی جۆری توکتوک دانراوە و بووەتە هۆی گیانلەدەستدانی شۆفێری ماتۆڕسکیلەکە و برینداربوونی سێ کەسی دیکە کە لەنێویاندا سەرباز هەیە.
لەبارەی هۆکاری تەقینەوەکەوە میدیاکان دەڵێن، تاوەکو ئێستا هۆکارەکەی نەزانراوە.
