بێگەرد تاڵەبانی، وەزیری کشتوکاڵی هەرێم رایگەیاند، لە کۆبوونەوەی هاوبەشی ئەمڕۆی ئەنجومەنی وزاری ئابوریی عێراق لەگەڵ حکومەتی هەرێمی کوردستان، بڕیاردرا بە قەدەغەکردنی هاوردەکردنی تەماتە بۆ سەرتاسەری عێراق.
وەزیری کشتوکاڵ ئاماژەی بەوەشکردووە، پێداگریی زۆریان کردووە لە پێناو ئەوەی پاڵپشتی جوتیارانی هەرێمی کوردستان بکرێت و رێگری بکرێت لە هاوردەکردنی تەماتەی وڵاتانی دیکە.
جەختیشیکردەوە، بڕیارەکە دەبێتە هۆی بەخشینی دەرفەتێک بۆ بەبازاڕکردنی بەرهەمی تەماتەی جوتیارانی هەرێمی کوردستان.
