کۆبوونەوەی ئەنجومەنی وەزاریی عیراق و بەرپرسانی هەرێم لە شاری هەولێر دەستیپێکرد و پرسی شایستە داراییەکانی هەرێمیش یەکێک دەبێت لە تەوەرەکانی کۆبوونەوەکە.
پێشنیوەڕۆی ئەمڕۆ یەکەمین کۆبوونەوەی ئەنجومەنی وەزاریی عێراق و بەرپرسانی هەرێم لە شاری هەولێر دەستیپێکرد.
بڕیارە لە کۆبوونەوەکەدا شایستە دەستوورییەکانی هەرێم بە تایبەت شایستە داراییەکان گفتوگۆیان لەبارەوە بکرێت.
شەوی رابردوو وەفدی ئەنجومەنی وەزاریی عێراق بە سەرۆکایەتیی تەیف سامی وەزیری دارایی گەیشتنە هەرێم و بڕیارە دوو رۆژ بمێننەوە.
ئامانج لە سەردانی وەفدەکە چارەسەرکردنی سەرجەم کێشە هەڵپەسێردراوەکانی هەردوولایە لە رێگای دەستوورەوە.
