دەستەی گشتیی خانەنشینیی عێراق بڵاویکردەوە، پاداشتی کۆتایی خزمەت بۆ زیاتر لە شەش هەزار خانەنشین خەرجکراوە و دەتوانن لە بانکەکان پاداشتەکانیان وەربگرن.
بە گوێرەی راگەیەندراوەکە، خەرجکردنی پاداشتەکانی کۆتایی خزمەت بەو فەرمانبەرانەیە کە لە ماوەی مانگی ئەیلولدا ناویان رەوانەی خانەنشینی کراون بە هێزە سەربازی و ئەمنی و مەددەنییەکانیشەوە.
ئاماژە بەوەشکراوە، دوای وەرگرتنی یەکەم مووچەی خانەنشینییان بە 48 کاتژمێر، پاداشتی خزمەتیان بۆ خەرجکراوە و ژمارەیان 6 هەزار و 763 کەس بووە.
بە گوێرەی یاسای خانەنشینیی یەکگرتووی عێراق کە خانەنشینان مووچەی مانگی تەمموزیان پێوەرگرت، لەمەودوا پاداشتی خزمەتی خانەنشینانی هەرێم بە هەمان بڕ و شێوازیی بەغداد دابەشدەکرێت و مووچەخۆران کۆتا مووچەیان لێکدانی 12 پێدەدرێت.
