هاتوچۆی چەمچەماڵ، رایدەگەیەنێت، “دەنگۆی بەکارخستنی کامێراکانی تۆمارکردنی تیژڕەویی نێوان سلێمانی-چەمچەماڵ دوورە لە راستییەوە”.
بەڕێوەبەرایەتیی هاتوچۆی چەمچەماڵ لە راگەیەندراوێکدا بڵاویکردەوە، ئاگاداری سەرجەم شۆفێران و دانیشتووانی سنووری قەزای چەمچەماڵ دەکەینەوە کە دەنگۆی بەکارکەوتنی کامێراکانی تیژڕەوی هاتوچۆ لەنێوان پارێزگای سلێمانی و قەزای چەمچەماڵ دوورە لە راستییەوە، ئەوەی هەیە تەنها دیاریکردنی خێراییە.
باس لەوەش دەکات، کامێراکان کاتێک دەکەونەکار کە هێما و هێڵکارییەکانی تایبەت بە رێنمایی شۆفێران لەسەر تەواوی رێگاکە جێگیردەکرێن و دواتر لەلایەن بەڕێوەبەرایەتیی هاتوچۆی سلێمانیەوە یان پەیجی راگەیاندنی هاتوچۆی چەمچەماڵەوە بە رەسمی رادەگەیەنرێت کە کامێراکان کەوتوونەتەکار.
