وەزارەتی خوێندنی باڵا و توێژینەوەی زانستیی هەرێم لەبارەی مامۆستایانی وانەبێژەوە بڕیاریدا و دەڵێت هەموویان دادەمەزرێن.
لە راگەیەندراوێکدا وەزارەتی خوێندنی باڵا و توێژینەوەی زانستیی هەرێم ئاماژە بەوە دەکات، ”بەڕەچاوکردنی رۆڵی گەورەی مامۆستایانی وانەبێژ لە بەردەوامیدان بە پڕۆسەی پەروەردە و فێرکردن و خوێندنی باڵا، بڕیاریدا بە دامەزراندنی سەرجەم مامۆستایانی وانەبێژ لە وەزارەتی خوێندنی باڵا و توێژینەوەی زانستی و پەروەردە بە شێوەی گرێبەست بە پێی رێنمایی دارایی ژمارە 10ی ساڵی 2019”.
دەشڵێت، ”هەردوو وەزارەتی خوێندنی باڵا و توێژینەوەی زانستی و پەروەردە راسپێردراون بە وردبینیکردنی لیستی ناوی وانەبێژان و ئەنجامدانی رێککارەکانی دامەزراندنیان”.
