ئەندامێكی ئەنجومەنی نوێنەرانی عێراق رایدەگەیەنێت، چەند گرفتێك لە لیستی مووچەی مووچەخۆراندا هەیە و ئەگەر هەرێم چارەسەری ناكات دواكەوتنی مووچەی مووچەخۆران بەردەوامدەبێت.
سۆران عومەر، ئەندامی ئەنجومەنی نوێنەرانی عێراق لە لێدوانێكدا رایگەیاند، چەند گرفتێك لە لیستی مووچەی مووچەخۆرانی هەرێمدا هەیە و تائێستا چارەسەرنەكراون و ئەوەش زیانی بە مووچەخۆرانی هەرێمی كوردستان گەیاندووە.
راشیگەیاند، بەهۆی ئەو گرفتانەی لە لیستی مووچەدا هەبووە وایكردووە جارێكی دیكە دیوانی چاودێریی دارایی وردبینی لە لیستی مووچەی هێزە ئەمنییەكان بكاتەوە.
