بەڕێوەبەرایەتیی هاتوچۆی گەرمیان بڵاویکردەوە، رووداوێکی هاتوچۆ لە جۆری شێلان لەسەر رێگای کەلار بەرەو ناحیەی رزگاری روویدا و بەهۆیەوە تازەلاوێک گیانیلەدەستدا.
بەڕێوەبەرایەتییەکە ئاماژەی بەوەکردووە، رووداوەکە نزیک مزگەوتی بوخاری لەسەر رێگای کەلار بەرەو ناحیەی رزگاری روویداوە و تازەلاوەکە ویستوویەتی بپەڕێتەوە، بەڵام مینی پاسێکی جۆری هۆندا شێلاویەتی و برینداریکردووە و پاشان بەهۆی سەختی برینەکەیەوە گیانیلەدەستداوە.
لەئێستا تەرمی تازەلاوەکە لە پزیشکی دادی قەزای کەلارە و لێکۆڵینەوە لە رووداوەکە لەلایەن تیمی هاتوچۆوە دەستی پێکردووە.
