بەڕێوەبەری گشتیی کارەبای سلێمانی رایگەیاند، لە ئێستادا لە باشترین دۆخدا دەتوانین 10- 11 کاتژمێر کارەبا بە هاوڵاتییان بدەین.
ئەنوەر حەمەسەعید بەڕێوەبەری گشتیی کارەبای سلێمانی رایگەیاند، بەرهەمهێنانی کارەبا لە هەرێم نزیکین لە چوار هەزار مێگاوات و ئەوەی دابەشدەکرێت بەسەر شار و شارۆچکەکاندا دوو هەزار و 300 مێگاواتە، هەر بۆیە لە ئێستادا لە باشترین دۆخدا 10-11 کاتژمێر بدەین بە هاوڵاتییان.
ئاماژەی بەوەشکرد، بەهۆی قەیرانی دارایی و کۆمەڵێک کێشەی دیکەی وەک نەبوونی سووتەمەنی نەتوانراوە بڕی بەرهەمهێنانی کارەبا زیاتربکرێت.
باسیلەوەشکرد، دانانی پێوەری زیرەک کاریگەری هەبووە لەسەر نەهێشتنی سەرە محاویلە و لۆدی سەر فیدەرەکان، بەڵام هێشتا کێشەی کەمی کارەبای نیشتمانیی هەر ماوە.
