بەرزبوونەوەی هۆڕمۆنی تیستۆستیرۆن کە بە هۆرمۆنی پیاوانە ناسراوە لە ژناندا یەکێکە لەو کێشە تەندروستییانەی هەندێک جار رووبەڕووی ژنان دەبێتەوە و پێویستی بە چارەسەر هەیە.
ئەو ژنانەی هۆرمۆنی پیاوانەیان بەرزدەبێتەوە چەند نیشانەیەکی جەستەییان تێدادەردەکەوێت لەوانەش:
-دەرکەوتنی مووی زیادە لە رووخسار و جەستە، بە شێوەیەک کە رەنگی تۆختر و رێژەکەشی زۆرترە لە حاڵەتی ئاسایی.
-چەوربوونی پێستی رووخسار و دەرکەوتنی زیپکە کە هاوشێوەی ئەو حاڵەتەیە کە لە کوڕانی هەرزەکاردا دەردەکەوێت.
-گڕبوونی دەنگ، کە بە شێوەیەکی پلە بە پلە هەست بە گۆڕانکارییەکان دەکەیت.
-تێكچوونی سووڕی مانگانە
– گەورەبوونی ماسولکەکان.
بە وتەی شارەزایانی بواری پزیشکی، هەموو مێینەیەک رێژەیەک هۆرمۆنی نێرینەی هەیە، بەڵام کە لە رێژەی ئاسایی دەرچوو ئەم نیشانانەی تێدا دەردەکەوێت.
