فەرمانگەی میدیا و زانیاریی حکومەتی هەرێمی کوردستان بڵاویکردەوە، کۆلێژی پزیشکی لە زانکۆی هەڵەبجە دەکرێتەوە.
لە راگەیەندراوەکەی فەرمانگەکەدا ئاماژە بەوەکراوە، بڕی ملیارێک و 512 ملیۆن دینار بۆ کردنەوە و بنیاتنانی ژێرخانی کۆلێژەکە لە زانکۆی هەڵەبجە تەرخانکراوە.
فەرمانی کردنەوەی کۆلێژەکە لە 16ی 3ی ئەمساڵەوە لەلایەن وەزارەتی خوێندنی باڵا و توێژینەوەی زانستییەوە دەرچووە و هەر ئەو کات داوا لە زانکۆکەکرا سەرجەم ئامادەکارییەکانی کردنەوەی کۆلێژەکە جێبەجێبکات.
ساڵی 2010 زانکۆی هەڵەبجە دامەزرا و لەدوای ساڵی 2011 دەستی بەکارەکانی کردووە و ساڵانە خوێندکار وەردەگرێت، وەک یەکێک لە زانکۆ حکومییەکانی هەرێمی کوردستان.
