سەرۆکایەتیی شارەوانی سلێمانی ئاگاداری هاوڵاتییان و گەشتیاران دەکاتەوە، دەرگای دووەمی پارکی هەواری شار کراوەتەوە و هاوڵاتییان و گەشتیاران دەتوانن بەکاریبهێنن لە کاتی چوونە ناو پارکەکە یاخود دەرچوون لێی.
شارەوانیی سلێمانی ئاماژەی بەوەکردووە، کردنەوەی دەرگاکە لەپێناو کەمکردنەوە لۆد و قەرەباڵگییە و بۆ هاتوچۆی هاوڵاتییان و گەشتیارانە.
ئەمەش لە کاتێکدایە، پارکی هەواری شار یەکێکە لەو پارکانەی شاری سلێمانی کە لە رۆژانی پشوو و بۆنەکاندا، قەرەباڵغییەکی زۆری پێوەبەدیدەکرێت، بەهۆی ئەوەی ژمارەیەکی زۆری هاوڵاتییان و گەشتیاران رووی لێدەکەن بۆ پشوو وەرگرتن.
