وەزیری دەرەوەی توركیا رایدەگەیەنێت، بڕیاریانداوە لەسەرەتای مانگی داهاتووەوە ڤیزا لەسەر هاوڵاتییانی عێراقی تەمەنی كەمتر لە 15 و زیاتر لە 50 ساڵ هەڵبگرێت.
هاكان فیدان، وەزیری دەرەوەی توركیا و فوئاد حوسێن، وەزیری دەرەوەی عێراق لە ئەنكەرە كۆبوونەوە و لە دوای كۆبوونەوەی وەفدی هەردوولا، كۆنفڕانسێكی رۆژنامەوانییان ئەنجامدا و وەزیری دەرەوەی توركیا رایگەیاند، بڕیاریانداوە لە سەرەتای مانگی داهاتووەوە ڤیزا لەسەر هاوڵاتییانی عێراقی تەمەنی كەمتر لە 15 و زیاتر لە 50 ساڵ هەڵبگرێت.
ئاماژە بۆ ئەوەش كراوە، لە كۆبوونەوەكەی نێوان هەردوودا چەند پرسێكی دیكەی جێی بایەخی هەردوولا تاوتوێكران.
