وتەبێژی وەزارەتی گواستنەوە و گەیاندنی هەرێم رایدەگەیەنێت، هەفتەی داهاتوو لە هەرێمی كوردستان هەفتەیەكی گەرم دەبێت و دەشڵێت، ” پێشبینیدەكرێت لە چەند ناوچەیەكی هەرێم پلەكانی گەرما بەرزببنەوە بۆ 47 پلەی سیلیزی”.
دیلان رەشاد، وتەبێژی وەزارەتی گواستنەوە و گەیاندنی هەرێم لە لێدوانێكیدا رایگەیاند، وەك پێشتر ئاماژەمان پێكرد لە چەند رۆژی رابردوودا پلەكانی گەرما دابەزینی بەخۆوە بینی و دوو بۆ سێ پلە دابەزی و پێشبینیدەكرێت لە هەفتەی داهاتوودا جارێكی دیكە پلەكانی گەرما لە هەرێمی كوردستان بەرزبوونەوە بەخۆوە ببینێت.
راشیگەیاند، چاوەڕواندەكرێت لە هەفتەی داهاتوو لە سنووری هەڵەبجە، كەركوك و گەرمیان پلەكانی گەرما بگاتە 47 پلەی سیلیزی و لە سلێمانی و دهۆك پلەكانی گەرما دوو بۆ سێ پلە بە بەراورد بە ئەمڕۆ بەرزدەبنەوە.
