قائیمقامی چەمچەماڵ، رایدەگەیەنێت، “سەرجەم جووتیاران زەوییەکانیان بە پرۆژەی ئاوی گۆپتەپە بەخشیوە”.
رەمک رەمەزان، قائیمقامی چەمچەماڵ لە کۆنفرانسێکی رۆژنامەوانیدا رایگەیاند، پرۆژەی ئاوی گۆپتەپە بەردەوامە و هەنگاو بە هەنگاو گرفتەکان چارەسەرکراون.
باسی لەوەش کرد، هەموو ئەو جووتیارانەی دەکەونە سنووری گۆپتەپە، ئاغجەلەر، قشڵاغ و تەکییە، سەرجەمیان زەوییەکانیان بەخشیوە بە پرۆژەکە و رێکارە ئیدارییەکان جێبەجێدەکرێن.
بەپێی وتەی قائیمقامی چەمچەماڵ، سەرچاوەی ئاوی پرۆژەکە پاککراوەتەوە و لەلایەن وەزارەتی پلاندانانەوە پارەی تەرخانکراو بۆ پرۆژەکە زیادکراوە.
