دەروازەی نێودەوڵەتیی حاجی ئۆمەران بڵاویکردەوە، بۆ ماوەی 15 رۆژ هاتن و چوون بە پاسی گەشتیاری و ئۆتۆمبێلی تایبەت رادەگیرێت بەهۆی هاتنی زیارەتکارانی ئێرانی بەمەبەستی بەشداریکردن لە مەڕاسیمی چلەی ئیمام حسێن و گرتنەبەری رێکارەکان.
بەشی راگەیاندنی دەروازەکە ئاماژەی بەوەشکردووە، هاتن و چوونی گەشتیاران بە پیادە و بێ سەیارە بە شێوەی 24 کاتژمێری و بە شەو و رۆژ کراوەیە و ئاساییە.
ئەربەعین هاوکاتە لەگەڵ رۆژی 20ی سەفەر کە دووەم مانگی ساڵنامەی ئیسلامییە و بۆ ئەمساڵ هاوکاتە لەگەڵ 24ی ئابی 2024.
