بەڕێوەبەرایەتیی هاتوچۆی پارێزگای هەڵەبجە شۆفێرانی ماتۆڕسکیلەکان ئاگاداردەکاتەوە و دەڵێت، ”رۆژانی هەینی چونە ناوەوەی ماتۆڕسکێل بۆ ناوچەگەشتیارییەکانی بیارە قەدەغەیە”.
لە راگەیەندراوێکدا بەڕێوەبەرایەتیی هاتوچۆی پارێزگای هەڵەبجە ئاماژە بەوە دەکات، ”لەبەر بەرژەوندیی گشتیی هاوڵاتییان و گەشتیاران و بەهۆی خراپ بەکارهێنانیانەوە، ئاگاداری بەکارهێنەرانی ماتۆڕسکێلە دووتایەکان دەکەینەوە لە رۆژانی هەینی چوونە ناوەوەی ماتۆڕسکێل بۆ ناوچە گەشتیارییەکانی بیارە قەدەغەیە”.
دەشڵێت، ”لەلایەن هاوڵاتییانی سنووری بیارە و هەورامانەوە گلەیی و گازندەی زۆر لەو بارەیەوە ئاڕاستەمان کراوە و سەرپێچیکاران لەلایەن مەفرەزە هاوبەشەکانەوە توشی سزا و لێپێچینەوەی یاسایی دەبنەوە”.
