لقی سلێمانیی یەكێتیی مامۆستایان پشتیوانی بۆ داخوازییەكانی مامۆستایان دەردەبڕێت و دەڵێت، دابەشكردنی مووچە دەبێتە دەستپێكی دەوام.
لقی سلێمانیی یەكێتییەكە راگەیەندراوێكی بڵاوكردەوە و تیایدا هاتووە، لەكاتێكدا چاوەڕێی پیرۆزكردنی دەستپێكی ساڵی نوێی خوێندن بووین، بەڵام دواكەوتنی دابەشكردنی مووچە بووەتە گرفتی بەردەوامی پرۆسەی پەروەردە و فێركردن.
هەروەك نیگەرانی بەرامبەر هەڵوێستی مەكتەبی سكرتاریەتی یەكێتیی مامۆستایان دەردەبڕێت و داواشدەكات بە زووترین كات دەست بە دابەشكردنی مووچەی مانگەكانی تەمموز و ئاب بكرێت.
لقی سلێمانیی یەكێتیی مامۆستایان سەرەڕای پشتیوانیی سەرجەم داخوازییەكانی مامۆستایان دووپاتیدەكاتەوە، دابەشكردنی مووچە دەبێتە دەستپێكی دەوامكردن.
