وتەبێژی یەكێتی رایدەگەیەنێت، پارتی ئامادەنییە لەسەر پۆستی پارێزگاری كەركوك لەگەڵ یەكێتی رێكبكەوێت.
سەعدی ئەحمەد پیرە، وتەبێژی یەكێتی لە لێدوانێكدا رایگەیاند، لە رابردوودا كێشەی كورسیی كۆتاكان و مووچە چارەسەرنەكرا و دواجار دادگای فیدراڵیی عێراق بڕیاریدا كێشەكە چارەسەربكات و ئەگەر پرسی كەركوك بە شەش كورسیی یەكێتی و دوو كورسی پارتی چارەسەرنەكرێت، دواتر لە عێراقەوە كاردانەوەی دەبێت و بەشی زۆری كێشەكان پارتییە كە ئامادەنییە لەگەڵ یەكێتی رێكبكەوێت و هەر لە سەرەتای یەك لیستی لە هەڵبژاردن و ئێستاش لەسەر پرسی پێكهێنانی حكومەتی خۆجێی شارەكە.
وتیشی، ” لە داهاتوودا بابەتی سەرۆكایەتیی هەرێم و سەرۆك كۆمار و پرسی وەزیرەكان لە بەغداد هەن و ناكرێت بەم شێوەیەی ئێستا دۆخەكە بەردەوام بێت”.
