لە دوایین هەڵوێستیان لەبارەی هەڵبژاردنی سەرۆکی ئەنجومەنی نوێنەران سوننەکان رایانگەیاند، سوورن لەسەر ئەو کاندیدانەی کە لە رابردوودا دیاریکراون.
شەوی رابردوو هاوپەیمانیی عەزم و سیادە لەگەڵ پەرلەمانتارانی سوننەی سەربەخۆ و فراکسیۆنی عەقد کۆبوونەوە و لە دوای کۆبوونەوەکە لە راگەیەندراوێکی هاوبەشدا بڵاویانکردەوە، سوورین لەسەر مانەوەی ئەو کەسانەی پێشتر وەک کاندیدی پۆستی سەرۆکی ئەنجومەنی نوێنەران ناویان هاتووە و ئەندامانی ئەنجومەن ئازادن لە هەرڵبژاردنی هەر کاندیدێک کە بە گونجاوی دەزانن.
هەر لە راگەیەندراوەکەدا هاتووە، پێویستە رێز لە بژاردەی لایەنەکان بگیرێت و پارێزگاری لە عورفی سیاسیی و دەستووری بکرێت، دۆخی ناوچەکە پێویست بەوەدەکات پارێزگاریی لە سەروەری و ئاسایشی وڵات بکەین.
