ئەو ئاگرەی پێش نیوەڕۆی ئەمڕۆ لە تانكەرێكی غاز لەناو وێستگەی كارەبای سلێمانی كەوتەوە كوژێندرایەوە و بەرگریی شارستانیی چەمچەماڵ دەڵێت، گرفتی بۆ بەرهەمهێنانی كارەبا دروستنەكردووە.
لوقمان حەسەن، بەڕێوەبەری بەرگریی شارستانیی چەمچەماڵ بە تۆڕی میدیایی ئێستای راگەیاند، پێش نیوەڕۆی ئەمڕۆ ئاگر لە تانكەرێكی غاز لەناو وێستگەی كارەبای سلێمانی كەوتەوە و لەلایەن تیمەكانیانەوە كۆنتڕۆڵكرا.
وتیشی، “رووداوەكە جگە لە زیانی ماددی، هیچ زیانێكی گیانی نەبووە”.
رووداوەكە دووربووە لە ناوەندەكانی بەرهەمهێنانی كارەبا و هیچ زیانێكی پێنەگەیشتووە، لوقمان حەسەن وای وت.
