سەرۆكی كۆمەڵەی كێڵگەپەلەوەرییەكان رایدەگەیەنێت، نرخی مریشك دابەزینی بەخۆوە بینیوە و یەك كیلۆ مریشك لە كێڵگەپەلەوەرییەكان بە دوو هەزار و 400 دینار بۆ دوو هەزار و 700 دینار بەپێی كێشەكەی دەفرۆشرێت.
نازم عەبدوڵا، سەرۆكی كۆمەڵەی كێڵگەپەلەوەرییەكان لە لێدوانێكدا بە تۆڕی میدیایی ئێستای راگەیاند، نرخی یەك كیلۆ مریشك لە نێوان دوو هەزار و 400 دینار بۆ دوو هەزار و 700 دینار دەفرۆشرێت كە نرخەكەی دابەزینی بەخۆوە بینیوە و هەفتەی رابردوو یەك كیلۆ مریشك بە سێ هەزار دینار بووە و لەسەر خاوەنی كێڵگەپەلەوەرییەكان یەك كیلۆ مریشك دوو هەزار و 600 دینار دەكەوێت.
وتیشی، “دابەزینی نرخەكەی پەیوەندی بە خواست و خستنەڕوو هەیە و لە ئێستادا كێڵگەپەلەوەرییەكان بەرهەمێكی زۆریان هەیە”.
