وتەبێژی پێشووی حكومەتی عێراق پاش دەستلەكاركێشانەوەی لە پۆستەكەی بۆ یەكەمجار هاتەوە قسە و باس لە هەڵبژاردنی داهاتووی عێراق دەكات.
ئەحمەد موڵا تەڵاڵ، وتەبێژی پێشووی حكومەتی عێراق شەوی ڕابردوو 12ی كانونی دووەم لە تویتێكیدا ڕایگەیاندووە، “بەبێ بوونی یەك حزب كە هەڵگری ئامانج و ڕۆحی شۆڕشی تشرین بێت، بەبێ بەشدارییەكی چڕی بێ وێنە، بەبێ بەشدارییەكی نێودەوڵەتیی بەهێز، بایكۆتكردن لەپێشتر و باشترە”.
لە بەشێكی دیكەی نووسینكەیەكدا لە تویتەر ئەحمەد مولا تەڵاڵ ئەوەشی خستوەتەڕوو، “گەرنا توشی ئابڕوچوونێك دەبین زۆر خراپتر لە ئابڕوچوونەكانی هەڵبژاردنی 2018 و لێكەوتە كارەساتبارەكانی دەبین”.
ئەو نوسینەی ئەحمەد مولا تەڵاڵ هاوكاتی نزیكبوونەوەیە لەو هەڵبژاردنە پێشوەختەی عیراق، كە بڕیارە لە ناوەڕاستی ئەمساڵدا بەڕێوەبچێت.
من دون حزبٍ واحد يجمع شتات أنتفاضة تشرين ويحمل روحها وأهدافها ومن دون مشاركة كثيفة غير مسبوقة ومن دون أشراف دولي محكم، فالمقاطعة أولى وأجدى.
وإلّا فأننا سنترحم على فضيحة أنتخابات ٢٠١٨ وتداعياتها الكارثية.— احمد ملا طلال (@AhmadMullaTalal) January 12, 2021
