دوای ئەوەی تۆڕی میدیایی ئێستا بەدواداچوونی بۆ داخستنی بنکەیەکی تەندروستیی لە شاری هەولێر کرد، بەڕێوەبەرایەتیی تەندروستیی هەولێر بنکەکەی کردەوە و کارمەندەکانیشی گەڕاندەوە سەر کارەکانیان.
پەیامنێری تۆڕی میدیایی ئێستا گواستییەوە، دوایئەوەی پێشنیوەڕۆی ئەمڕۆ هەواڵی داخستنی دەرگای بنکەی تەندروستیی هاوکاریمان بەهۆی کێشەی بێکارەباییەوە بڵاوکردەوە، بەڕێوەبەرایەتیی تەندروستیی هەولێر دەرگای بنکەکەی کردەوە و کارمەندەکانیشی گەڕاندەوە سەر کارەکانیان.
ئاشکراشیکرد، لە ئێستادا دەوام لە بنکە تەندروستییەکە ئاسایی بووەتەوە.
