بەڕێوەبەری كۆگاكانی بەڕێوەبەرایەتی گشتی پەروەردەی سلێمانی رایگەیاند، گرێبەست لەگەڵ کۆمپانیایەکی ئیماراتی کراوە و چاپی نوێی کتێبی سەرجەم وانەکانی ناوەندەکانی خوێندن لە ئیمارات چاپکراون و دەست بە دابەشکردنیان کراوە.
نعمان عوسمان بەڕێوەبەری كۆگاكانی بەڕێوەبەرایەتی گشتی پەروەردەی سلێمانی رایگەیاند، بۆ قۆناغەكانی خوێندن كتێب هەر لە باخچەی منداڵانەوە تاكو 12 ی ئامادەیی و خوێندنی پیشەیی و عەرەبی و ئینگلیزی گرێبەستێك كراوە لەگەڵ كۆمپانیایەك لە وڵاتی ئیمارات كتێب چاپكراوە بە كوالێتی بەرز و رۆژانە دابەشدەكرێت.
ئاماژەی بەوەشکرد، ئەو وانانەی مەنهەجەکانیان گۆڕاوە، بە رێژەی 100% کتێبەکانیان چاپکراونەتەوە.
ئاشکراشیکرد، ئەم ساڵ رێژەیەكی زۆر لە كتێبەكان گەیشتووەتە دەستمان رۆژانە دابەشی دەكەین، داوا لە دایکان و باوکانیش دەکەین پەلەیان نەبێت لە دابینكردنی كتێب لە دەستپێكی خوێندن هەموو خوێندكارێك كتێب دەگاتە بەردەستی.
