بانکی ناوەندیی عێراق خشتەی فرۆشتنی دۆلاری بۆ ئەمڕۆ بڵاوکردەوە و زیاتر لە 274 ملیۆن دۆلاری خستووەتە بازاڕەوە.
بەپێی راگەیەندراوەکەی بانکی ناوەندی کە وێنەیەکی دەست تۆڕی میدیایی ئێستا کەوتووە، ئەمڕۆ بڕی 274 ملیۆن و 734 هەزار و 232 دۆلاری خستووەتە بازاڕەوە، لەو بڕەش 269 ملیۆن و 484 هەزار و 232 دۆلاریان بە شێوەی حەواڵەیە و تەنها پێنج ملیۆن و 250 هەزار دۆلاری بە شێوەی نەختینە بووە.
کۆتا خستنەڕووی خشتەی فرۆشی دۆلار لەلایەن بانکی ناوەندیی عێراقەوە 24ی تەمموزی 2024 بوو کە تێیدا 274 ملیۆن و 637 هەزار و 912 دۆلاری خستبووە بازاڕەوە و لەو بەڕەش تەنها حەوت ملیۆن و 50 هەزار دۆلاریان بەشێوەی نەختینە بووە.
