بەڕێوەبەرایەتیی بەرگریی شارستانیی ئاكرێ رایدەگەیەنێت، لە رووداوێكی ئاگركەوتنەوە لە ماڵێك لە سەنتەری ناحیەی دینارتە كەسێك گیانیلەدەستدا.
بەپێی راگەیەندراوێكی بەڕێوەبەرایەتیی بەرگریی شارستانی ئاكرێ كە وێنەیەكی دەست تۆڕی میدیایی ئێستا كەوتووە و تێیدا هاتووە،دوای ئەوەی ئاگاداركرانەوە لە رووداوێكی ئاگركەوتنەوە لە ماڵێك لە سەنتەری ناحیەی دینارتە، دەستبەجێ تیمەكانیان گەیشتنە شوێنی ڕووداوەكە و توانرا ئاگرەكە كۆنترۆڵبكرێت.
هەر لە راگەیەندراوەكەدا هاتووە، بەھۆی رووداوەكەوە ژنێكی تەمەن 45 ساڵ گیانیلەدەستدا و تائێستا ھۆكاری كەوتنەوەی ئاگرەكە نەزاندراوە و لێكۆڵینەوە لە رووداوەكە دەستیپێكردووە.
