پارچە ئاسنێک لە قوڕگی منداڵێکی تەمەن سێ ساڵاندا دەرهێنرا.
بەڕێوەبەرایەتیی گشتیی تەندروستیی گەرمیان، لە راگەیەندراوێکدا بڵاویکردەوە، لەپاش ئەوەی منداڵێکی سێ ساڵان پارچە ئاسنێک پارچە ئاسنێکی تایبەت بە لەچك قوت دەدات ، دەگەیەندرێتە نەخۆشخانەی فێرکاریی فریاکەوتنی شەهید هەژار لە کەلار.
بەپێی راگەیەندراوەکە، لەلایەن ستافی نەخۆشخانەکەوە پشکنین و بەهاناوەچوونی خێرای بۆ دەکرێت و دەستبەجێ لەلایەن پزیشکی پسپۆڕی قوڕگ و لوت و گوێ و ستافی هۆڵی نەشتەرگەریی، توانرا بەبێ نەشتەرگەری ئەو پارچە ئاسنە لە قوڕگی منداڵەکە دەربهێنرێت.
هەر بەپێی راگەیەندراوەکە، “ئێستا دۆخی تەندروستیی منداڵەکە بەتەواوی جێگیرە”.
