هێزی سەربازیی ئیتاڵیا بڕێکی زۆر هاوکاری کە پێکهاتبوون لە دەرمان و پێداویستی پزیشکی پێشکەشی نەخۆشخانەی ئیمێرجنسی لە سلێمانی کرد.
لە رێورەسمێکدا کە لە نەخۆشخانەی ئیمێرجنسی سازکرا فەرماندەی هێزی زەمینی ئیتاڵیا رایگەیاند، ئەو کۆمەک و هاوکارییانەی ئەمڕۆ گەیاندومانەتە سلێمانی سەرەتای کارەکانمانە کە لە رێگای تیمی هاوکاریی سەربازی مەدەنی هێزەکانی ئیتاڵیاوە بووە.
ئاشکراشیکرد، جگە لە مەشق و راهێنان بە هێزەکانی پێشمەرگە، هاوکاری مرۆیی پێشکەش دەکەین، کە خۆی لە بواری پەروەردە و تەندروستی و خۆراک و پارێزگاری لە کەمینەکان دەبینێتەوە.
