وتەبێژی کارەبای سلێمانی رایدەگەیەنێت، “لە شەو و رۆژێکدا 11 کاتژمێر کارەبای نیشتمانی بە هاوڵاتییان دەدرێت”.
سیروان محەمەد، وتەبێژی کارەبای سلێمانی بە تۆڕی میدیایی ئێستای راگەیاند، ئێستا لە شاری سلێمانی لە شەو و رۆژێکدا بە تێکڕا 11 کاتژمێر کارەبای نیشتمانی بە هاوڵاتییان دەدرێت.
ئاماژەی بەوەش کرد، ساڵانە لەم وەرزەدا خواست لەسەر بەکارهێنانی کارەبای نیشتمانی لە هەرێمی کوردستان بە گشتی زیاددەکات، لەبەر ئەوە پێدانی کارەبای نیشتمانی کەمدەبێتەوە.
