وتەبێژی حكومەتی هەرێم رایدەگەیەنێت، دەبێت وەزارەتەكان لە 10ی هەموو مانگێكدا لیستی مووچەیان ئامادەبێت و دەشڵێت، “هەر كات داوای لیستی مووچەی مووچەخۆران بۆ مانگی تەمموز بكرێت بۆ بەغداد دەنێردرێت”.
پێشەوا هەورامانی، وتەبێژی حكومەتی هەرێم لە دیدارێكی تەلەفزیۆنیدا رایگەیاند، دیوانی چاودێریی دارایی عێراق و هەرێم لە پەیوەندییدان بۆ چارەسەركردنی ئەو گرفتانەی كە هەن، حكومەتی هەرێم ئامادەیە هاوكاریی وەفدی دیوانی چاودێریی دارایی عێراق بكات كە سەردانی هەرێمی كوردستانیان كردووە.
وتیشی، ” لیستی مووچەی مانگی تەمموز ئامادەیە و پێشتر بڕیاردراوە وەزارەتەكان لە 10ی هەموو مانگێكدا لیستی مووچەیان ئامادەبێت و لەگەڵ نزیكبوونەوەی وادەی دابەشكردنی مووچەدا و هەر كاتێك داوابكرێت لیستی مووچەی مانگی تەمموز بۆ بەغداد دەنێرێت”.
