پەیامنێری تۆڕی میدیایی ئێستا لە كەركوك گواستییەوە، لە دوو گەڕەكی كەركوك سەگ پەلاماری ژمارەیەك ھاوڵاتی داوە و بەهۆیەوە 13 كەس گەیەندراونەتە نەخۆشخانە.
سامان یابە بەڕێوەبەری راگەیاندنی تەندروستی كەركوك رایگەیاند، بریندارەكان لە ھەردوو گەڕەكی شۆرجە و ڕزگارییەوە گەیەندراونەتە نەخۆشخانە و سەرجەمیان چارەسەریان بۆ كراوە و بریندارەكان دۆخی تەندروستییان جێگیرە.
جێی ئاماژە بۆكردنە، پێشتر چەندجارێك ئەو حاڵەتە لە كەركوك روویداوە و چەند كەسێك بەهۆی پەلاماردانی سەگەوە گەیەندراونەتە نەخۆشخانە.
