سەرۆكی یەكێتی لە پەیامێكدا بەبۆنەی هاتنی ساڵی نوێی كۆچی رایدەگەیەنێت، داواكارم ئەم بۆنە پیرۆزە ببێتە مایەی ئارامی، قووڵكردنەوەی تەبایی و پێكەوەژیان لە كوردستانی ئازیزمان.
بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند، سەری ساڵی نوێی کۆچی لە موسڵمانانی كوردستان، عیراق و جیهان پیرۆزبێت و هیوادارم خێر و خۆشی بۆ هەموولایەك بهێنێت.
بافڵ جەلال تاڵەبانی دەشڵێت، لە خوای گەورە داواكارم ئەم بۆنە پیرۆزە ببێتە مایەی ئارامی، قووڵكردنەوەی تەبایی و پێكەوەژیان لە كوردستانی ئازیزمان تاوەكو هەموومان بە بیرێكی ئاشتیخوازانە و نیشتمانییانەوە كار بۆ داهاتوویەكی سەقامگیرتر و هەرێمێكی بەهێزتر بكەین.
