بەڕێوەبەرایەتیی بەرگریی شارستانیی سۆران رایدەگەیەنێت، بە هۆكارێكی نادیار ئاگر لە سنووری قەزای رەواندز كەوتەوە.
بەپێی راگەیەندراوێكی بەڕێوەبەرایەتیی بەرگریی شارستانیی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، بە هۆكارێكی نادیار ئاگر لە پووش و پەڵاشی پارچە زەوییەك لە سنووری قەزای رەواندز كەوتەوە.
ئاماژەی بۆ ئەوەش كردوو، سێ تیمی ئاگركوژێنەوەی بنكەكانی بەرگریی شارستانیی رەواندز، سۆران و دیانا گەیشتنە شوێنی رووداوەكە و ئاگرەكەیان كۆنترۆڵكرد.
