سەرۆكی رێكخراوی یەكێتیی مامۆستایان رایدەگەیەنێت، هاوشێوەی فەرمانبەران فۆڕمی دابەشكردنی زەوی بە مامۆستایان دەدرێت و چەند بنەمایەك بۆ پڕكردنەوەی فۆڕمەكان دادەنرێن.
عەبدولواحید محەمەد، سەرۆكی رێكخراوی یەكێتیی مامۆستایان لە لێدوانێكدا بە تۆڕی میدیایی ئێستای راگەیاند، بەپێی رێنماییەكانی حكومەت بۆ دابەشكردنی زەوی سەرجەم فەرمانبەران و مامۆستایان وەك یەك و لە كاتدا فۆڕمیان پێدەدرێت و جیاوازی نییە كە چەند بنەمایەك دانراوە لەوانە خێزان، ساڵانی خزمەت و پێشتر سوودمەندنەبووبێت، بەڵام لە بەشێك لە فەرمانگەكاندا پێشتر رێوشوێنەكان دەستپێكراوە لە پەروەردە دەبێت سەرەتا لە وەزارەتەوە ئاراستەی پەروەردەكان بكرێت و دواتر فۆرم بۆ ناوەندەكانی خوێندن دەنێردرێت.
وتیشی، ” چاوەڕواندەكرێت زانیارییەكان لە رێگای فۆڕمێكەوە بە مامۆستایان پڕبكرێتەوە یاخود ئەپڵیكەیشنێك دابنرێت و زانیارییەكانی تێدا تۆماربكرێت”.
