بەڕێوەبەرایەتیی پۆلیسی سلێمانی بڵاویکردەوە، مەفرەزەكانی نوسینگەی نەهێشتنی تاوانی ئیبراهیم ئەحمەد تۆمەتبارێكیان دەستگیركرد كە تەقەی كردبوو.
پۆلیس ئاماژەی بەوەکردووە، دوای ئەوەی زانیاری لەسەر تۆمەتبارێك كۆكرایەوە كە لەنزیك گەڕەكەكانی زڕگوێز و سەماوات تەقەی كردبوو هێزەكانی پۆلیس لێكۆڵینەوەكانیان دەستپێكرد و دوای وەرگرتنی بڕیاری دادوەر، توانرا تۆمەتبار لەلایەن مەفرەزەكانی نوسینگەی نەهێشتنی تاوانی ئیبراهیم ئەحمەدەوە دەستگیربكرێت.
ئاماژە بەوەشکراوە، لەكاتی دەستگیركردنی تۆمەتباردا دەستیشگیرا بەسەر دوو چەك لەجۆرەكانی كڵاشینكۆف و دەمانچە و ژمارەیەكی زۆر فیشەك و شانەی كڵاشینكۆفدا.
تۆمەتبار بەبڕیاری دادوەر و بەپێی ماددەی 15 لەیاسای چەك راگیراوە و لێكۆڵینەوەكان بەردەوامە.
