سەرۆكی هەرێمی كوردستان رایدەگەیەنێت، هیچ بەڵگەیەك نییە بیسەلمێنێت یەكێتی لەپشت رووداوی ئاگركەوتنەوەی بازاڕەكانەوە بێت و دەشڵێت، “ئێستا پەیوەندییەكانی نێوان هەرێم و بەغداد لە ئاستێكی باشدایە”.
نێچیرڤان بارزانی، سەرۆكی هەرێمی كوردستان لە لێدوانێكیدا لە نەمسا رایگەیاند، هیچ بەڵگەیەك نییە بیسەلمێنێت یەكێتی وەكو حزب لە پشت رووداوی ئاگركەوتنەوەی بازاڕەكانەوە بووبێت و دەستگیركردنی ئەو كەسانەی ئەنجامدەری ئەو كارەبوون بە هەماهەنگی لە نێوان دەزگا ئەمنییەكانی هەرێمی كوردستان و عێراقدا بووە.
لەبارەی پەیوەندییەكانی نێوان هەرێم و بەغداد، نێچیرڤان بارزانی وتیشی، “لە ئێستادا پەیوەندییەكانی نێوان هەرێم و بەغداد لە ئاستێكی باشدایە و هەنگاوەكان بە ئاراستەی چارەسەركردنی كێشەكانە”.
