سەرۆكی یەكێتی رایدەگەیەنێت، دامەزراوەی دادوەریی عێراق دامەزراوەیەکی نیشتمانی، سەربەخۆ و رێزلێگیراوە
بافڵ جەلال تاڵەبانی، سەرۆکی یەکێتیی نیشتمانیی کوردستان لە پەیامێكدا رایگەیاند، دامەزراوەی دادوەریی عێراق دامەزراوەیەکی نیشتمانی، سەربەخۆ و رێزلێگیراوە لەلایەن سەرجەم عێراقییەکانەوە.
وتیشی، “دەستبردن بۆ ئەو دامەزراوەیە و سەرۆکەکەی بەڕێز دادوەر فایەق زێدان، کارێکی رەتکراوە و ئیدانەکراوە لەهەر لایەن و گروپ و کەسێکەوە بێت کە بوێریی هەنگاوێکی لەوجۆرە بکات”.
سەرۆكی یەكێتی ئەوەشی خستەڕوو، ئێمە جەخت لە پاڵپشتی و پابەندبوون و رێزمان بۆ ئەو دامەزراوەیە و سەرۆکە بەڕێزەکەی دەکەینەوە.
