بەهۆی رووداوێکی هاتوچۆوە لەسەر رێگای رانیە – خەلەکان کەسێک گیانیلەدەستدا.
بەهمەن عەبدوڵا وتەبێژی هاتوچۆی سلێمانی رایگەیاند، لە سەر رێگای رانیە – خەلەکان ئۆتۆمبێلێک لە جۆری تۆیۆتا تاکسی کۆنتڕۆڵی لەدەستداوە و وەرگەڕاوە.
ئاماژەی بەوەشکرد، هێڵکاری شوێنی رووداوەکە دەریدەخات کە شۆفێرەکە تێپەڕاندنی ئەنجامداوە و دواتر کۆنتڕۆڵی لەدەستداوە و رووداوەکەی لێکەوتووەتەوە.
ئاشکراشیکرد، شۆفێری ئۆتۆمبێلەکە 18 ساڵی تەواو نەکردووە و بەهۆی رووداوەکەوە گیانیلەدەستداوە.
