شارەزایەکی بواری پزیشکی رایدەگەیەنێت، کارکردن بە ساردەکەرەوەی ئۆتۆمبێل لە کاتێکدا ئۆتۆمبێلەکە وەستاوە مەترسیدارە.
پزیشکێکی راوێژکاری نەخۆشییەکانی سنگ و هەناسە رایگەیاند، کاتێک ساردکەرەوەی ئۆتۆمبێل کاردەکات ژمارەیەک گازی ژەهراوی وەک یەکەم ئۆکسیدی کاربۆن و دووەم ئۆکسیدی کاربۆن دەردەدات، دەردانی ئەم گازانەش زیاتر دەبێت ئەگەر لەکاتی وەستانی ئۆتۆمبێلەکەدا کاریپێبکرێت.
ئاماژەی بەوەشکرد، ئەو دوو گازە خنکێنەرە، هەرکەسێک بۆ ماوەی 45-60 خولەک لەبەردەم ساردکەرەوەی ئۆتۆمبێل دابنیشێت نیشانەکانی وەک سەرئێشە و گێژبوونی تێدادەردەکەون.
ئەو پزیشکە دەشڵێت، مانەوەی کاتێکی زۆر لەبەردەم ساردکەرەوەی ئۆتۆمبێل بەتایبەت لە کاتی وەستانی ئۆتۆمبێلەکەدا مەترسیدارە و ئەگەری هەیە مردنی لێبکەوێتەوە.
