بەڕێوەبەرایەتیی هاتوچۆی گەرمیان رایدەگەیەنێت، لەسەر رێگای کەلار – دەربەندیخان، لەنزیک گوندی چاڵەڕەش، ئۆتۆمبێلێک وەرگەڕا و شۆفێرەکەی برینداربوو.
لە راگەیەندراوێکدا بەڕێوەبەرایەتیی هاتوچۆی گەرمیان ئاماژە بەوە دەکات، ”بەیانی ئەمڕۆ، ئۆتۆمبێلێک بەئاڕاستەی دەربەندیخان رۆیشتووە و لەنزیک گوندی چاڵەڕەش وەرگەڕاوە، بەهۆیەوە شۆفێرەکەی برینداربوو”.
دەشڵێت، ”بەمەبەستی زانینی هۆکار و چۆنیەتی رووداوەکە، لەلایەن تیمی هاتوچۆی گەرمیانەوە لێکۆڵینەوە لە رووداوەکە دەستیپێکردووە”.
