یەکەم کاروانی حاجییانی هەرێمی کوردستان بەڕێگای ئاسمانی گەیشتنە فڕۆکەخانەی نێودەوڵەتیی هەولێر و لەلایەن کەسوکاریانەوە پێشوازییان لێکرا.
کاروان ستونی، وتەبێژی بەڕێوەبەرایەتیی گشتیی حەج و عومرەی هەرێمی کوردستان بە تۆڕی میدیایی ئێستای راگەیاند،”ئەمڕۆ، کاتژمێر 10:00ی بەیانی یەکەم کاروانی حاجییانی هەرێمی کوردستان بەڕێگای ئاسمانی گەیشتنە فڕۆکەخانەی نێودەوڵەتیی هەولێر و کاروانێکی دیکەشیان بڕیارە کاتژمێر 12:00ی شەو بگەنەوە فڕۆکەخانەی نێودەوڵەتیی سلێمانی”.
پێشتریش یەكەم كاروانی حاجییان بە رێگای وشكانی گەیشتنەوە سلێمانی و لەلایەن كەسوكارییانەوە پێشوازییان لێكرا.
