بەهۆی جێبەجێکردنی پرۆژەی قیرتاوکردن رێگای جووت سایدی سپیلک ــ خەلیفان سایدی هاتن لە سپیلک بۆ خەلیفان بۆ ماوەی حەوت رۆژ دادەخرێت.
بەڕێوەبەرایەتیی هاتوچۆی سۆران بڵاویکردەوە، ئاگاداری شوفێران و هاوڵاتییانی سنووری ئیدارەی سەربەخۆی سۆران دەکەینەوە، بەهۆی جێبەجێکردنی کۆتا قۆناغی قیرتاوکردن سبەینێ یەکشەممە رێگای جووت سایدی سپیلک ــ خەلیفان سایدی هاتن لە سپیلک بۆ خەلیفان بۆ ماوەی حەوت رۆژ دادەخرێت و سایدی خەلیفان بۆ سپیلک بۆ هەردوو ئاڕاستە بەکاردەهێنرێت.
ئاشکراشیکرد، دوای حەوت رۆژ سایدی چوون لە خەلیفان ــ سپیلک دادەخرێت بە هەمان شێوە و بۆ هەمان مەبەست، داوا لەشوفێران دەکەین کەوا پابەندی رێنماییەکانی هاتووچۆ بن.
