وەزارەتی ئەوقاف، رایدەگەیەنێت، “تائێستا زیاتر لە 10 هاوڵاتیی کورد لەشاری مەککە دەستگیرکراون و کار بۆ ئازادکردنیان دەکرێت”.
وەزارەتی ئەوقاف و کاروباری ئایینی حکومەتی هەرێم لە راگەیەندراوێکدا بڵاویکردەوە، “زیاتر لە 10 هاوڵاتیی کورد لەشاری مەککە دەستگیرکراون، و بەدواداچوونیان بۆکراوە لەگەڵ پارێزەری کونسوڵخانە بۆ ئەوەی بەزووترین کات ئازادبکرێن”.
بەپێی راگەیەندراوەکە، “تاوەکو ئێستا نزیکەی 30 پاسپۆرتی کاتی بۆ گەڕانەوەی ئەو هاوڵاتییانەی لە شاری مەککە پاسپۆرتەکانیان ونکردووە دروستکراوە، و هەموو کارئاسانییەکیان بۆ کراوە”.
