بەڕێوەبەری گشتیی بەنداوەكانی هەرێم رایدەگەیەنێت، بە بەراورد بە ساڵی رابردوو ئەمساڵ ئاستی ئاو لە بەنداوەكان زیاترە و بەشێك لە بەنداوە بچووکەكانیش پڕبوون.
رەحمان خانی بەڕێوەبەری گشتیی بەنداوەكانی هەرێم لە لێدوانێكیدا رایگەیاند، بە بەراورد بە ساڵی رابردوو ئاستی ئاو لە بەنداوەكانی هەرێم لە ئەمساڵدا زیاترە و لە بەنداوی دوكان ئاستی ئاو پێنج مەتر زیاترە، لە دەربەندیخان 6 مەتر لە دهۆك 13 مەتر و نیو بە بەراورد بە ساڵی رابردوو زیاترە و بەشێك لە بەنداوە بچووکەكانیش پڕبوون.
وتیشی، ” ئومێدەوارین بەپێی ئەو پلانەی دانراوە بتوانین ئەمساڵ بڕی ئاوی پێویست بۆ هاوڵاتییان دابینبكرێت”.
