وتەبێژی وەزارەتی ئەوقافی هەرێم وادەی گەڕانەوەی حاجییان بۆ هەرێم ئاشکرادەکات.
نەبەز ئیسماعیل، وتەبێژی وەزارەتی ئەوقافی هەرێم بە تۆڕی میدیایی ئێستای راگەیاند، 20 ی ئەم مانگە ئەو حاجییانەی لە رێگای وشکانییەوە دێنەوە هەرێم بەڕێدەکەون و لە ماوەی دوو رۆژدا دەگەنەوە هەرێم.
ئاماژەی بەوەش کرد، لە 25 ی مانگیشی حاجییان لە رێگەی ئاسمانییەوە دێنەوە هەرێمی کوردستان.
بەپێی وتەی نەبەز ئیسماعیل، وتەبێژی وەزارەتی ئەوقافی هەرێم، ئەمساڵ چوار هەزار و 886 کەس سەفەری حەجیان کردووە.
وتیشی، ئەو حەوت حاجییە کوردەی کۆچی دواییان کرد، سەرجەمیان لە رێگەی ڤیزای یەکساڵییەوە سەفەری حەجیان کردووە.
