دەروازەی نێودەوڵەتیی باشماخ رایدەگەیەنێت، ئەو ئۆتۆمبێلانەی تابلۆکانیان تازە نییە رێگەیان پێنادرێت گەشت بۆ وڵاتی ئێران ئەنجامبدەن.
بەڕێوەبەرایەتیی کۆمەڵگەی دەروازەی نێودەوڵەتیی باشماخ، لە راگەیەندراوێکدا بڵاویکردەوە، ئاگاداری بۆ ئەو گەشتیارانەی کە بە ئۆتۆمبێلی تایبەتی خۆیان گەشت بۆ وڵاتی ئێران دەکەن لە بەرواری 16ی حوزەیرانی 2024 دەبێت تابلۆی ئۆتۆمبیلەکانیان تازە بێت واتا تابلۆ کۆنەکان کاریان بۆ ناکرێت لە دیوی ئێران و رێگەیان پێنادرێت گەشتەکەیان ئەنجامبدەن.
لە راگەیەندراوەکەدا هاتووە، بڕیارەکە لەلایەن کۆماری ئیسلامی ئێرانەوە دەرچووە، و داوا لە گەشتیاران و هاوڵاتییان دەکەین پابەندی رێنماییەکان بن.
