وتەبێژی کۆمسیۆنی باڵای هەڵبژاردنەکانی عێراق رایدەگەیەنێت، ” دواکەوتنی مەرسومی هەڵبژاردن کاریگەری لەسەر کارەکانمان دروستکردووە”.
جومانە غەلای، وتەبێژی کۆمسیۆنی باڵای هەڵبژاردنەکانی عێراق رایگەیاند، کۆمسیۆن هێشتا چاوەڕێی فەرمانی هەرێم دەکات بۆ دیاریکردنی وادەیەک بۆ هەڵبژاردنی پەرلەمانی کوردستان.
دەشڵێت، “دواکەوتنی دەرکردنی مەرسومی هەڵبژاردن کاریگەری لەسەر کاری کۆمسیۆن دروستکردووە”.
ئاماژەی بەوەشکرد، “لە ماوەی پێشوودا ئەنجومەنی نوێنەران کاری کۆمسیۆنی هەڵبژاردنەکانی درێژکردەوە، بۆ ماوەی 6 مانگ، بەمەبەستی سەرپەرشتیکردنی هەڵبژاردنی پەرلەمانی کوردستان”.
